Nu Ha Nie
A kum (50)
Duek olthang a yaak sak uh vaeng kah ca pat nah he koep tae ha tah cala thinphat ham la om
Rev. Chan Thleng kah a yu Daw Ha Ni tah tihin’ October ni 6, 2008 Cawn khat hlemben khawnoek 3:10 pm veengah Dilai patang rai’na soeprep timm khui’ kalawng Bawipa teng la duemm poen. Awl-uuen katawnn oen atloe’ ming ham koei’-hli a awm a tah he kah Ph; 643-811 oenah na voekk-hlakk
u thai.
Bawi Khrih ming’ oen
Pastor Tui Hing
Yangon
Ka lungna mia mina boeih,
Tihnin (October 6th, 2008, 3:15 pm), vaengah Samuel ma nu Rev. Chan Thleng kah yu he tah diklai dongah hingna, patang palai he a caehtaak tih, dungyan hingna la cet coeng.
Ko thae puina neh,
Ceng Ting
Philippines
Let's Comfort and Pray
Dear Rev. Chan Thleng and Family,
I was so sad to hear about that news. I would like to express my sincere condolence on the recent passing of your wife. May the comforter, the Holy Spirit of God, comfort you and wipe your tears while you are in this grievous time.
My sincere thoughts and prayers are with you.
With my deepest sympathy,
Nu Cuai
Philippines.
Dear Rev. Chan Thleng oen imkhui cakaw,
Samuel nu lawng Dilai han kah lawng ceh tak Awlthang ka zak veng ah kakaw the pui uh . Dilai han kawthe nah ka dip sak kung Bawipa mah tengah thangthuina oen mikphi rui la imkhui cakaw ham kanbawm uh poepa ne.
Dilaihan ah he thlanghing lawng pha ngaih nawh huen pathum khui ah he Thlanmawl huen he khawh pakhat lah awm van. Thawngim, Sizung, Thlanmawl he huen pathum he u ca lawng khawh n'pha hamla ngaih nawh pai de u ca paklhat lawng khawh n'rel thai nawh huen lah awm bal. Thawngim ka thla thlang om nawh mai sui de..Dilai hing khui ah a sa ding lah kho phueih ka sa thai thlang neh thlanmawl kakhum mueh thlang tah awm thai nawh.
Thawngim long a tah loeihna ti he a awm thai angla Sizung lawng khaw sa dingna ka hu thlang khaw awm thai bal huen ..Tede Thlanmawl huen ka lawng tah koep n'mel thai thlaih nawh tite Luke caciim dong kah Lazarus kah hingna dongah a ciim lah boeih n'huh poen.
Kawthe pui haih,
Tan Hla
Malaysia
Dear Matu rhoek neh pilnam boeih,
1) Tedong ah, miamanauthli, ka lung na tih ka ngaih thli, ka om ngaih na oen ka bawi lu muek la aka awmthli, kapaya thli, te tila te krih dong ah acak cala na pai u ham la awm!
2) Bawipa dongah roeproei cala na awm u ham, Euodia oen suektuek heoen kai long rena ka vanbih u.
3) Oeih, kavanbih u, uepawn bi bii haih thli, hing na cabu khui ah mingaka thum, Klement oen ka bi bii pueithli oen awlthang then bi kabina dawngah kai ben ah aka bawng uh huta thli te bawm ulah.
4) Bawipa dawng ah awmngaih poepa u lah, Koep kathui bal ai, Awmngaih ulah!
5)Nangmi kah kawdungna te thlang boeih lawng ming seh. bawipa tah zooi poen.
6 N'tu dawng ah khaw lakueng na van khueh u boel, thai hu soep raep dongah, thangthui na oen ren bih naoen,awmngaih cil thui na oen, na bi na tepathen teng ah mingsak uh. 7 pathen kah ngaimawngna, thlang hing kah zakmingna boeih aka pongvoelh lawngah jesu kri dawng ah nangmi kah thinkaw lungbueithli te avanthlipthung badai. (Philippi 4:4-7)
Samuel manu loh acaeh taak amana,
Pa Na vang kah ayu Nu Zing Te neh aca rhoek Tuem Zing May Oo, mang van Ro awm, Salai Aung, neh Thang Cong loh boeih so ah Pathen ol thang then neh thui tuen nah akhueh.
SL
India
Dear Matu Yalanghna,
Pastor Santheng kah Ayu Smuel Nu langah dik lai hring nah lang kah duem tih dueng yan hring nah vandong ram lah ceh tak tih kothei ham om dei amah pathen ka yumh tak tak thli
Dik lai ah aceih tak pastor Santhleng , a ca thli oen cako thli boih ham lah pathen mah taeng ah thangthui pui uh sih.
John
M'Lay
Kothae pueinah,
Ka ngannu Samuel manu he U.S.A. ram la halo vaengah, awmngaih cala in uem. Kamana nasaeh pathen loh hlasua im paek uh saeh. Pathen ming thangthen sak uh sih ati ol. Indiana, U.S.A. Tlim Tue napa im ah a ueh a tloh tangkik maila buh kacak uh hmaih. A hmai hlimpan cala cuep cuep a nueih bueng neh hlangtom kopoek a nawm sak. Pathen thangthenna bueng heni kai ka ka bibi tila ol uen nah a khuek U.S.A. Matu pumim ah Samuel manu diklai ah na om ngaih bueng a rhoek muehla van yungyal omngaihna ram napha coeng. Diklai ah na muei hmuhthai nah a can a om voel patdongah kaimih ta kothae nah kakhueh uh he kan lungna uh dongah ni.
Na nganpa,
Ngabol napa
Phoenix
U.S.A.
Dear Rev.Chan Thleng & Family,
Samuel manu tah mahmi loh lung na lak ah aka lungna kung Pathen tengah cet la om coeng. Na imkhui ko loh Pathen bibi na ben ah na tha ayawk na pawt hamla dilai kho tom kah Matu cana loh kan thang thui pui upoepa uh.Pa Pathen kah Cimmuithla ngaimongna loh om pui poepa useh.
Dr. Laivet
Dear Mia manau,
ka awm na kung ah dyk awl thang Rev.Chan Thleng kah zu dyk kawng ka zak veng calla ka kaw the pui.Mah Matu ram a tah Pathen lawng avan hawna AiSi tumpa mai na vat ah, Sammuel nu lawng n'khum tah tih calla kai mi imkhui kaw on krihca thli boih lawng ka kaw the pui u tang kik. Pathen kah ciim muithla lawng a im khui kaw ah ngaimawng zouthenna sosak hawn seh.Amen!
Muithla hingna groups n'kyh he callla a yyp awm tang kik.Rangoon khui on khaw tlo tlo kah awl thang n'zak thai cong ah Muithla ben hingna awl thangthen n'zaak thai bal tih calla yyp ham awm tang kik. He group he thangthui puina ,do dan na on tha pe u popa sih tila mia manau thli krih ming on kan ceel u.
Pa Pathen teng kah ngaaimawng zouthenna Rev.Chan im khui kaw ah sop hawn seh.
Pastor Lawng Nem
Poek mueh la hetila kothe ol thang kazaak utih danmark ram kah mahca boeih kho cala kakothe u.
Aceh taak im khuicako ham la pathen teng thangthui pui na oen kan bawm ne.
kærelig hilsen,
thaica sanglen
Europe
(Ningmih tah vanhlang la ingom uh dong ah, te lam kah hlawtkung bawipa Jesuh Khrih te inlam tawn uh. Anih long te ningmih kah tueilaeh aka kap pum( vile body) te tanah glorious body la han tho: ni. ( Phil. 3:20-21a)
Samuel napa yuva he mah kho vaeng ah ka om hmaih uh pawt dong ah coi a? ka hmaiben uh thae het pawh. Samuel manu he tah immah kho ah ka hmuh poek coi a? ka ti. Ti dae 2006 kum ah USA la ha yin rhoi vaeng ah, INDIANAPOLIS kah kai mih cako im la poek mueh la ha laeng rhoi tih Thongat=one week hmaih ka om uh duen ca mai te ka hnilh thai pawh. Bang dong ah lae ka ti ah tah, Boeina phung or Kho kum sen hlang ah hmaih ka om uh tang tae bang la ka om uh naep tang kik, omthen tang kik rhoep rhoi tangkik tih Pathen ol ah ka tui uh tang tang ti te aduek kho thang loh koep han thoel. USA la koep ka lo rhoi vi tih koep imhmu: uh thae ni ati dae ha tah, diklai dong pawt tih vanram ah ka hmu: uh cangai ni. Anih lohma la cet coeng tih ningmih khaw mah rhip kah atue vaeng ah incet uh van ni.
Pathen Olcim la cet uh lah sih. Khrih thohkoep hing aka khueh boeih ham pum panit rhip ingkhueh uh. 1..Diklai taksa pum( vile body) neh; 2..Ta nah pum Glorious body.
Diklai taksa pum he tah aka rhawk thai Thisen neh Taksa neh asai dong ah vanram pang thai mah pawh.( 1 Cor.15:50) Te aka rhawk thai pum te aka rhawkthai pawh pum la atho te Jesuh duek nah lam kah loh hatho tih akhueh pum te aka rhawkthai mueh pum or ta nah or Glorious body aming nah tih te bang pum long te ni van ram apang eh ati. Te dong ah oengca boeih or Khrih tho koep hing nah aka khueh coeng boeih he tah vanhlang( the citizenship of heaven) la ingom uh coeng dong ah, ningmih boeih kah diklai taksa pum he aka rhawk thai pawh or van ram aka pang thai pum or glorious body la tho la om. Ti te Diklai hlanghing loh DUEK inti uh. Ahloeh bet la thui sih ti koi nih, " Laidip neh asai taksa te aloh nah diklai la koep mael tih, Pathen loh hansa:ng Yilh Mueihla: te Pathen mah taeng la koep mael" ( Acclesaiste 12:7)
Pathen mikhmuh ah tah ka mah im la ha mael koep coeng ati. Nang neh kai van khaw intue loh boeih ompha uh van ni. Mivaeng ah lae ti te imming uh pawt dong ah, Taksa hing nah na khue duen ca: vaeng ah he Jesuh taeng la cet uh laeh. Nang neh kai ham la Diklai taksa pum aduek te diklai rhawk na pawn ni.Aka duek tangtae hlang van rham apang na ham, hla khaw incam thai voel moe nih. Jesu apa bae ha lo na te diklai dong ah na hing khui ah nasai nah te laitloek ham lam ni ha lo pawn eh, Nang tholh hlah nah ham la apa bae ha duek voel mah pawh. Vai aduek te hlang tom ham rhoeh coeng ati. Pathen loh boeilen nah pang hawn saeh...Amen.
Tlimtue napa
Dear Mia Rev Chan Thleng im khui on atlo ca kaw pharing thli,
He kah thai hu pok myh la a ka awm he,dilai pok na on pok veng ahtah kaw thee tang kik ham la awm tih kaw pok khaw rai ham la awm,kai khaw seh ka zu va rawi ah kaw cal la thee a hih ,te de Kri a ka khyh thli ,Ta he kah lawng a tah he thai hu he n'zak ming u,Ta he kah thai hu a ka pai he DYKNA ti la thlang bro nawh lawng a tah n'pok u ai ti la pok na awm.
Te de Bawipa a mah kah awl lawng a tah dyk ti tlaih nawh tih ip ti la athui,he he Bawipa awl byng tlaih nawh tih ong ca thli lawng a khaw n'awl na u van ham la Kri Jesu te ma mi ham la m'pek,a u khaw ahih te a ka tangna tih a awl pek thli te akym a tah,ahih te me veng ah khaw dyk tlaih ma nawh ti la,Johan 8:51 dawng ah yp awm tang kik
la Jesu kri amah lawng ah athui,Dyk na ati he thawlh na dawng ka lawng ah va law tih,he kah thawlh thai hu sai thai na thli boih he tah Jesu kri lawng ataa pon te kah taa na te mami teng ah Ongna rang on pek la n' awm u pon, 1Corin 15:55-56-57 dawng ah huh la awm bal,Dilai huh na tlaih nawh tih,ong ca thli ham la Dykna awm tlaih nawh ti he Kri a mah ro lawng n'cang pui la awm.
Te dawng ah ka lung na miama nau thli a cak la pai u lah,n' tu lawng a khaw n' tat sak u bol seh,Bawipa bi m'bi u he a hawng ahii mo nih ti he m' ming u,te dawng ah bi pyr u sih.
Hai ngawn lawng a tlum tawm veng ah meng meng a khu ang la,Dilai bawi Setan he a can akhyh tlaih nawh dawng ah,Johan 10:10 rawksak,pheham on
hyn ham he a bibi na la awm mai ca khaw Mami Bawipa Jesus kri alaw na he tah Setan bibi phe ham la va law tih Cross ah atlawh thlang la yh na on a phe tih avan taa la awm pon,1Johan 3:8 dawng ah huh ciim la awm,Tedawng ah he kah Mia Hanni he dyk nawh tih ih ni a ih.
a ih a tah Bawipa a mah a law veng ah a thawh ve tih mami a ka hing ong ca thli on thik at la Bawipa amah on n'lui hang haih u ai,mami he tih la mami ongca thli ham ngaai yyp na yp awm a ka van song kung mami Bawipa Pathen ming thang then na awm hawn seh Amen.
Ti la he awl sop nawh sot ca on mia Rev. Chan Thleng im khui kaw on a tlo cakaw pharing, kaw a ka thee pui thli boih teng ah ngawlh pui haih tih kaw thee pui haih zyng la sot ca ka van thut van,
Kawthee pui kung
Lianzual im khui kaw
Australia ah
TO: Bereaved Family
CONDOLENCE!
Dear Rev. Chan Hleng and family,
Let me extend my heartfelt condolence to your family in this time of grief. I am really saddened by the shocking news about the death of your beloved wife and loving mother of your children.
I really do not know how to put my feeling of sadness into words. I cannot even begin to imagine what you are going through but please remember that you are not alone. Matu people and Taknan family is with you in prayers and thoughts at this moment of loss.
In fact, I did not expect this kind of news since she looked quite active and lively to entertain me in Yangon last July. I know that nothing can take away the pain your family is suffering right now but please have courage to face the situation with the following scriptural quotation from Ecclesiastes 3:1-10.
A Time for Everything
1. There is an appointed time for everything. And there is a time for every event under heaven. 2. A time to give birth and a time to die; a time to plant and a time to uproot what is planted. 3. A time to kill and a time to heal; a time to tear down and a time to build up. 4. A time to weep and a time to laugh; a time to mourn and a time to dance. 5. A time to throw stones and a time to gather stones; a time to embrace and a time to shun embracing. 6. A time to search and a time to give up as lost; a time to keep and a time to throw away. 7. A time to tear apart and a time to sew together; a time to be silent and a time to speak. 8. A time to love and a time to hate; a time for war and a time for peace. 9. What profit is there to the worker from that in which he toils? 10. I have seen the task which God has given the sons of men with which to occupy themselves. He has made everything appropriate in its time. He has also set eternity in their heart, yet so that man will not find out the work which God has done from the beginning even to the end.
"ETERNAL REST GRANT TO HER O GOD, AND LET PERPETUAL LIGHT SHINE UPON HER." MAY SHE REST IN PEACE! AMEN!
With sympathy,
Rev. Brother Ling John, FSC
De La Salle University
Philippines
Dear Mya Rev Chanthleng im khui kaw on Pastor Zawki bon hui,
He kah thai hu pok myh la a ka awm he,khat ben pok a tah kawthee ham awm tang kik, kai hih zuva khaw se ka zak veng ka kaw thee van,te de he thai hu he thlang bro nawh pok na lawng a tah Dykna ti la pok na awm ai ti la ka pok, Tede Bawipa amah kah AWL lawng a tah dyk ti nawh tih ih ni a ih a ti,te dawngah he he Bawipa a mah ham byng kah awl tlaih nawh tih mami Ongca thli lawng a khaw n'AWL na u van ham la Jesus kri dawng ah mami teng ah m'pek pon,John 8:51 Awl tak ka van thui u,a u khaw kai aka ong tih ka awlpek thli a kym atah me veng ah khaw dyk tlaih ma nawh ti la a thui, Johan 11:25- dawng ah Jesus lawng kai tah thawh kop na on hing na la ka awm, u khaw kai ka ong tah dyk mai ca khaw hing ai 26, hing tih kai a ka tang na thli lawng tah metyk a khaw dyk ma nawh ti la yp awm tang kik la avan thui.
Tihin hang ah, hai ngawn lawng a tlum tawm veng meeng meeng a khu ang la DILAI Setan lawng ah Rawksak,phee ham on hyyn ham la thaa hyyr tih bii bi mai ca khaw,ahih kah bibii na he Dykna la awm he dyk na he tah Cross dawng ah Jesus kri lawng a van taa pon,te dawngah ong ca thli ham la dykna awm tlaih nawh,1Corin 15:55-57 he he ma mi teng ah pek la awm pon dawng ah mami Pathen ming thangthen na awm hawn she.
Mami Bawipa Jesus kri a law na he tah Setan kah thai hu sai thai na thli phee ham la ka law a ti he(ham la tlaih nawh tih)PHEE LA AWM PON,1John 3:8 dawng
ah yp vot cong tlaih myh la avan thui,te dawng ah he kah ngai yyp na n' khyh u he voi vik bol si lang khat on khat thaa pe u si lang dyldaai u the sih,
He kah mya a ka ip he tah ip poo nawh ve tih kawl kalh ih khaan khui ah ih la awm, Bawipa Jesus kri a mah alaw veng ah mami aka hing thli on Bawipa mah awm na ah n' cet u haih ai
a ka pe kung ming tah koh la awm hawn seh.
1Cor 15:55-57 lawng Aw dyk na na taa na me la a awm? Aw dyk na na syy me la a awm? ati he Ong ca thli lawng he lai han ah n' awm khui veng thawlh thai hu sai thai na Dyk na ati he (challenge na ham Bawipa kah pek la awm,vanram ah pha cong kah ham nawh tih vanram a tah DYKNA
He on ah ngawlh pui tih awl kaa on thlop thloi na ang la sot ca ah ka thut la awm van ,kan ym..
Bawikri ah Lianzual im khui kaw
Australia ah
Dear Rev.Chan hleng oen aca kaw pharing thli,
TeTe manu lawng ah n'ceh taak u poen tite kazaak u veng ah , broe nawh la kakaw the u,Dilai ram he tah pek na ram,mik phi baw na ram oen ruungrah na ram la awm poen dawng ah mami lawng ah n'tawng u poen ni,lai thlang hing ben ah kan poek pui u veng ah khaw broe nawh la thin phat ham la awm,kaawng hu ben koep n'dan phai veng ah n'nuih cal oen ah im khui cakaw khaw n'sa nawh ang ati mail la ,TeTe nu lawngah n'ceh taak veng ah metila lungbui rek oen ah na awm u ai ti te broe nawh la kan zaming pui ,tede mami oengca thli ham la tah hai ben ah ngai yp na abou a awm koep hyn dawng ah van dawng Pa ram ah awmngaih cala huh tun na koep awm ai ti oen ah thloepna awl azawl kan tel.
Bawikrih ah
Rothen
Malaysia
Kalungna, kanhaih tangkiik Samuel Manu,
Namal apat tawmca to, natha awmtlaih nawh tih nacal kaw ahuut tlaih nawh la na awm pon de, kaikah khyna phone awl nazaak vengah ngah ngah nathou tih nanlungna natyngsak, phone dawngah lungvatna awl navanthui lawng kaikah thinkaw adeeng tih hilhdam ngaihdam tlou tare. Mincang aikhaawk khonoklung 3:30 ah nanthawh tih tu ouh kai kati tih email kacheck loh tah nanceh taak, nankhum taak tanglang pon ti awl thang kazaak veng kalungla maawng tih kakawpok tal.
Samuel manu, nahing khui pyr nava kah Pathen bibi ngaikhyk la nabi pui tih hinrook cyngkyng ruila Pathen tengah nathangthuina angla Pathen lawng zouthen m’peek te mik on huh la awm pon. Nacathli Pathen awlka on nacun nacah, sel la thlang la boih nacoong sak. College boih nakai sak. Na im khui ah kamzin pat myh la nadou nadan nabyh nathawng, nabawm naceem. Thlangtawm kah oot tlaak koi la na awm. Naceh taak kaimi hamla tah kamia la na awm tih nu paihun la khaw na awm, muithla ben maawtkung la khaw na awm.
Tahe atah dilai dawngkah tlawhna, natna, kawthena, rahna boih nata tih, dungzan hingna, awmthenna ramla nava, nacathli, nacakaw pringthli, namia nanauthli, napia laikoithli boih naceh taak tih tlawhna natna kawthena, rahna awm tlaih nawh Pa raang dawngah na awm pon. Akacet tangte nuham rawi on mia Thang Zau mi on nahuh u pon cawini. Ngaihlieuhna khyh myh la cet lang, ngai tlyp la cet ne. Nang hilhdam pumna khaw Wednesday 7:00 PM ah New York ah kasai u van ai he.
Dilai pumsa pok atah, kanhilhdam tangkiik, kanhaih tangkiik, kanngai u tangkiik. Nanau imkhui kaw.
Glory manu cakaw
New York
USA
Dear Rev. Chan Thleng Cako,
Kho hla lam kah loh, ko thae pueinah ca kan pat uh. Na im khui kho kah, halnah na tong uh, ko thae olthang tinhin ah ka yaak uh tih, na im khui kho neh thik at la ko thae nah kan khueh puei uh. Ko thae pueinah he, olung calung la ka thui thai uh pawh. Kai mih kah ko thae pueinah he, olung long he, na ca ko kah ko thae nah te, han khap thai pawt dae, na ca ko im khui kho neh thik at la kan om puei. Kan thang thui puei uh. Taknan cako boeih long khaw, in thangthui puei uh ti te kan yaak sak uh.
Ka ngan nu he, Philippines longah kol ram la ka leng hang tih, July hla ah kan hip vaengah tah, ol khaw palak palak cal. Mikmhai ko hoe cala ka mhuh. A tloh he aka om pawt bangle, mik mhai thlim pan cala om. Pathen Bawilenna han thui tih ka mik ah lap lap om. Olka voek vaengah khaw, sading omhal kah ol bangla ka hmuh. Tadae, tahae kah ko thae olthang ka yaak vaengah, hlawt ka let. Na im khui kho kah ko thaena he, tlo tangkiik dae, Pathen a mah loh ng’ lungna oeh coeng tih a mah taengla a khue coeng. In hul khaw in hul thai oeh voel pawh. Ba khaw in ti na thai voel pawt dae, Pathen kah kho khanna coeng ni ti te, a dang kah Bible ol nen he, Pathen taengah uepna neh, na cako taengah kan thangthui puei.
“Soeprhep boeih hamla a tue a tang he om tih, khocan a tue a tang he khaw om van. Nu bung khui longah thangna a tue he a om van bangla, sael khuila caehna can he khaw om bal. Kho im sakna om tih rhawkna khaw om. Toi-ang tuena om bangla, ohna tue he khaw om bal. Tlohnatna a tue om van bangla, hoeihna a tue he om van bal. Rhahna can neh, nueihna can he caphae la om. Lam nah tue khaw om tih, nueih rhahna can khaw om. Khuehtawna a tue om tih, paekboena a tue om. Lungto he voeikphaengna om tih, rhuhtunna om. Khoem nah a tue a cang a om bangla, rhawk nah can khaw om. Khueh tawn he khaw, loh nah can, paek nah can om. Mik tui longnah can neh, rhah nah can he om. Thui tuengna can neh, phahna can he om. Lungna can neh, thiina can khaw om. Hraltuk na neh, ngaimong omthen na can khaw om.” (Ecclesiastes 3:1-9)
Ko thae pueina neh Taknan cako yeungah,
Rev. Bro. Ling John, FSC
De La Salle University, Philippines
Mang Ceng Ting
Philippine Baptist Theological Seminary
2600 Baguio City,
Philippines
Dear Samuel, Avid, Atoe, Aban, Athan, and Bethy,
I would like to send my deepest sympathies to all your family members.
It was with real sorrow that I heard of your great loss. I know it will be very hurt for all of you. I feel it also as a personal loss to myself for your mother was very good to me and so kind to me. She is also like my mam. I feel really sad for all of you. All of my thoughts are with you during this difficult time of loss. And I know also that her death must be very terrible for your dad since he loves her too much. Please pass by sympathy and prayer to him.
I really don't know how to express my feeling and how i feel so sad. My sadness is also as the same as you feel.
I don't know how to encourage all of you. But God is always with you. Now she will be happy with God and she does not need to suffer anymore.
Dear my brothers and sis, just know that even though i am far from all of you my mind is always with u and I feel with you in your sorrow.
May the Comforter, the Holy Spirit of God, comfort you and wipe your
tears while you are in this grievious time!
May the peace of God be upon all the remaining family members especially in this difficult time of losing your loved one.
With Deepest sympathy and prayer,
Your Sis.,
NINI
Asian Seminary of Christian Ministries
Makati City, Philippines
Dear Avid,
Kamel ai nati veengah airport kalawng ah anuih oen ah kai ph nan voem hyn de ta,im na pha boet coeng ah nanu lawng ah vik n'cek taak vengah nalungbui arek te kanpoek pui vengah broe nawh la tlou tangkiik tite kan ming pui,kakaw calla the.mami ham la hailam ah koep huh tun na khaw hin awm hyn tih ngai mawng na na khyh thaihamla thangthui na oen kan bawm poe pa ne.
Rothen
Dear Rev. Chan Thleng and Family members
I deeply saddened to hear about the loss of your beloved MOTHER.
My thought is with you and your relatives during this difficult time of loss. I would like to send my deepest sympathies to you and all your family members. I am praying for you and all the relatives who left behind to continue on the journey of life here on earth in spite of all sadness and difficulties of life. However, our counsellor and comforter God the Holy Spirit will lead you with peace. God Bless.
With prayerfully,
Van Ivan
Philippine Christian University
Manila, Philippines
Bawi krih ah mia manua,
Matu ram kah nu khui kah nu Matu Holy Bible acong to la ava a kabawm
Rev.Chan Thleng kah a zu tah athen cala m'thlem thlemben ah laiah
vuila awm pon.Thlang bro nawh acawng khang lawng avan thaak u.Matu ca
khui ah tak thlang a kathak zahawh bik ai tila ka huh. Awm vai ryng
hin (SAT)10:00AM to 12:00AM vengah Memorial service sai ham la awm tih
nang mi boih lawng khaw Pa Pathen teng ah thangthui pui u van ne.
Pa Pathen teng kah ngaimawng zouthenna a ceh tak imkhuikaw on mia
manua boih sawah Jesuh ming on sop seh.
Bawi krih ah
Bro. Joseph Laung Nem
Dear Matu mia manau,
Matu nu khuiah kai lawng ka haiben kok Samuel nu dyk na kawng ah asip hawt alyn akak kah pilnam thlang boih lawng na kaw the pui u kawng ka zak tih calla ka awm ngaih,Im khui kaw lawng Pathe ngaimawng na adang na u ham tare ham thang thui pui popa u sih.
Bawi krih ah,
Nu.Mie shwe Monica nu
Grace house,N Dagon,Yangon
Kangaidam Samuel Manu
Hae kothae olthang kayaak vaeng ah huksul koep avan thoel. Anapa he kai kacamaw vaeng ah kaimih kho ah Krifa ben kah saya lah om vaeng ah Samuel nu he Sunday School ah hla tlueng asak te kamikthlam ah koep vaphoe. Olka athui mai akhoh anuih doe ah athui te kammik thlam ah hathai nawh. Hae ti lah lungloeei nah akakap he Ava, Acaa, Acako parhing neh akahu bal akapawlneng uhaih rhoek loh meti lah lae nghilh uthai eh. Ahula vaeng Amanu, Anapa, Amayaa amana, Apia laikoi neh Kricaa rhoek kah danthen awt tlaak lah an om tih Nunu paihuen ah apha vaeng ah Kricaa rhoek ham uepna tlaak , dan tlaak, awt tlaak neh Thinhnaem kung Nuu paihuen ah pai tih alung nah Ava Acaa rhoek ham lah Nuuthen, Piathen neh Longpui then lah apai nah he hilh mailai ham har tangkik.
Ahing then na, Akhobaw then nah, Krih Laipaai lah apai naloh Duungyaan hingnah Patheen ram ah aduem sakcoeng.
Dantlak Nuuthen SamuelManuu
Ngai naneh,
Pakapaa Imkhui ko
Nu Ha Nie Kawng (Samuel manu), A Kum (50)
(Rypawn la aka awm zu u lawng a huh thai ai? Te hutah lungsen phutlon lak ah a phu tlou ngaai. Te hut ate a bi phu kutdou laksawng pe u lang, khawpui vawng thawh ka ah a bibina dawwngah thangp0awm u lah. (Tahtuk Awlcuih 31:10,31)
Nu Hannie tah Rev. Va Hlai (thlangthii) on Nu Bawng Sui (thlangthii) lawng 1958 May 5 vengah Lalui khaw ah a cuun. Boinahui pasarih khuiah a pabena canu la awm. A miamanauthli tah caming Nu Nu Sing (Pa Thang Ai) (Matupi); Pa Pa Ziit (Nu Helen) (Singapore); Shalom(thlangthii) ; Rev. Zaw Ki (Nu Taw Te ) (Ouhkan); Nu Zing Te (Pa Na Vang )(Delhi); Nu Cherry (Rev. Rolin) (Matupi). A manu lawng caming a cuun congah ca cuun myhla khaw kum nga a awm congah Pathen tengah a bih tih peek la a awm dawngah zaan veng kah Hannah lawng ca a bih tih Pathen lawng capa Samuel a peek angla m'peek a ti dawngah, Hannie (Hannah) tila ming a sak. A napa he Pathen bibikung la aq awm dawngah leiring khaw ah awm tih te vengah primary sengim kai. Te cong kalawng Tuisawkung ah awm u bal tih Leisin ah sengim kai bal. Luivang khaw a awm u vengah a napa Rev. Va Hlai tah saihaak tlawh dawngah May, 1976 vengah dyk. Te cong kalawng tah a manauthli byh thawng ham a ngo pn dawngah sengim kai tlaih myh la vik pal tih a manauthli sengim a kaisak congah a manu lou bi a bi pui.
A camo veng kalawng a manu on a napa awl aka ngaaai, khawbo theen, Pathen aka lungna thlaang la awm. Sunday School kai a lungna tih a camo veng kalawng Pathen awl Baibul aka lungan thlaang la awm. A camo veng kalawng Pthen bawk aka thintlawhna la awm, tlawh dawngah, nawh atah, a coong thai nawh tanglang veng byng nawh atah Bawipa hin, thleem ben Pawipa bawkna thlaawng vaai nawh. A cacoon hang kalawng tah Pathen kohna laaa sak a lung na. Laaa cabu dawng kah laa zahawh ngaai a sak thai congah Laa bute dawng kah zahawh ngaai laa a sak bal. Cadawng hula ronglii conference on thlang bol civui zungah Pathen kohna solo sak on laaraawisak a lungna. Thlangbol tuna civui on cadawng hula conference zunah ceh a tha thlyy. Pathen reenna dawngah Pathen ah aka thangthai on Bawipa ram hamla aka pe u popa la awm. Thlang bol nu ben bibina ah a hula veng kalawng aka thuum la awm. Pathen laa ben nawh a tah atlo cadawng hula ngaaina u laa sa vaai nawh. A hula vengah a myi he lungna aka kap, awlka aka neem, reen lungna aka khyh, kaw aka daw, awm ih dan aka thoom tih kaw aka awm la a awm dawngah cadawng bro nawh lawng a lungna u tih a be u vengah, kai tah pastor ni ka va-na ai, tila boih a thlat pe. a hula vengah khaw pia zahawh a khyh, a pui on aw, naw atah, a u on khaw tawh u the vaainawh. a thuina angla Pathen lawng a roi petih Rev. Chan Thleng on 1980 vengah zuva hih. Te kalawng Pathen bibina dawngah pahoi kuun tih a va on bi a bi. Christian Reformed thlanbol nu bibina ah maawt kung a bi congah buhzeh thang thuina a tawng cyk. Pathen ram kauna bibina ham Pathen ram paha pakhat peek a tha thlyy. Mission bibina thaa a thlyy pui tih awmna kung kalawng mission zinceh, awmngaih bawm, thlathai thawhlawm benthli a sai. Thang thuina ah tlungmu tih khawziin rook ah ava kah bibina , thlangbol bibina soprep, Pathen tengah thangthuina on a nawn popa. Amah pok buhzeh thngthuinathli a khyh popa. A tlawhna a ming tawm zun vengah khaw hint hum buhzeh thangthuina a khyh. A va lawng Matu awl la Pathen awl a kawng vengah awlpui la thaa aka pekung, thngthuina aka khyh pekung la awm. Thlangbol benah Bawipa ram hamla ongna cak on a va byng myhla bibikungthli thaa aka pekung la awm. Yangon la 1996 vengah a pawng thuk u congh thlangbol tlotlo on nub en pawlneengna ah thuum tih nub en training saina ah thuum popa. Matu Kricathli pawlneengna ah thathly on thuum tih a im ah meeting ngawlhnathli a awm vengah kamzinthli atheen la a dou a dan.
A va a sak congah a va on vaai khaw a tlawh thlang la a tawh hih na awm nawh. A va huui ah awm tih lungna on a thuingaihna te a mingsak. A manii on a marang a lungna tih a nu, a pa tila a khy. A manii on a marang lawgkhaw caalla a lungna. Pathen zoutheen peek ca tawngpa panga on canu khat a cuun vengah, a marang lawng Pathen teng kah zoutheenna zahawh ka dang pon, tila a thui. A cathli boih dengim atheen la a kaaisak tih tangha boih a awngdak. A ngaihna angla thoom thlang la tangha a awng u nawh vengah, Bawipa lawng amami ham khok khaw a khan pe bdai, tila reemhaalna thinkaw a khyh. Pathen awl on a cathli a rengtuuk thaihon popa. A cathli kh baainaak dawmgah thlaang kah mikcuuk kawtlaak la a awmna ham a baai a naaksak. Imkhui kaw tangk phaisa hawna benah a cathli votthok la awmna nawh hamla ngaithyyn.Amah lawng ai thi khui tah a sai. Huta kah thaihu sai boih saithi ham kamthlah tih a sai. Kut hi huui, she on hi huui bhoom tih a cathli on a va ham hi a ngo boih a huui pe. Thlaang hamkhw ahuui pe. Hi soprep, baai naak atah thai . Himbaai benah taawkthlaawk, banphu, bawngsui roop, baisii, himbaai ca, bran thlarui himbaai a phyn phyn, sawngsa a phyn phyn, Matu uniform, lumyk, weater a thum. Himbaai tah boih boih 150 thlai law. Thlarui thlasm a tek thi tih thlahuh khaw thoom bal. Te dawngh im ah kamzin aka pah boih himbaai on boih a khuk thai.
Imkhyh loutonna kawngah cawtbauh kap nawh. Lou vaawk, lou phawh, cangah boih a theen la a bi thai. Matu buh an boih a tuui thlang la a thaawng thai bal. Anhop, anbe, anbek, anpawt, andam, an uui boih a thaawng thai congah, bran buh n, a keu, atouh, amah khok boih a thaawng thai. Muk khaw amah khok tah a sai thai bal. Kamzin kamlai byh thawng doudanna benah, me ang kamzin khw mikhaai thlampan ca la ym tih a dou a dan, a voom a toi. A tui khaw a the khaw amah im ah buh an boih a theen la a cah tih a theen la boih a byh a thawng.Ahih mui aka hu tih aka voomthli boih kaw hoo u. Thlaang hamla kwhoona on tu theenna ka sai pe lh I, tite pok popa. Ahih on aka voomthli boih lawng a hibeen u. Matu, Kawl, lai, mizo, sadau, thlangmym thlaangbaawk lawng a lungna u. Thlaang on a voom u vengah mikhaai thi phang thlaak tih awl thui vaai nawh, cyp nuih ruila awl neem on boih a voom . Ca tang saang cang nawh de, a lungna Bawipa kah maawtna rangon awlka zahawh a cal thi dwngah pia laikoi mon a khyh. Kawl awl, miring (sadu) awl mah khok, Hakha awl (Hakha ang vanla), Mizo awl amami ang van la, Akak Arakan ben awl,Rakhine awl a cal thaina, a thui thaina dawngah pawlneengna theen la a khyh thai. Dikli dawngah, Africa, Australia , South America, North Americaa, Europe, South East Asia ram ah pia laikoi mon a khyh. He tila pia laikoi a khyh thaina he a hingna dawngah aka awm Bawi Kri rang on a moibo awlcal thingka ah Kri kah moibo a tyng dwngah ni.
Thlangbol bibina ah a va on bang ahih tih awmngaih thathly ruila bi a bi lii vengah pok myh la 2007 Augut 9 vengah, sading nawh mailai van cawi ni titih sii khan ah a ceh vengah, a bungpuiah cancer awm, tite huh la awm. Ultra sound on byh vengah a bungpui kah cancer te a thin dawgah, a taawp a pha boih pon tih, stage four a pha pon tila ming la awm. Thukna Gabar sii khan ah zarh khat zun awm congah, August 29,2007 vengah Singpore kah Mount Elizabeth Hospital, Singapore ah ceh pui la awm. Sii zungah thla reet dalh sii tuui la awm tih cncer khaw cing pon, tila awm. Te dawngh Yangon la kop mel tih May 5, 2008 amah kum 50 a cupna hin ah Pathen tengah awmngaih cil thuina khyh la awm. Pathen tengah hoihna dawngah sausii a deng. Tede thla khat zun a awm congah bungpui tengah athi la cancer te kop phou tih chemotherapy khaw tuun la awm de, cancer tlawhna te tuuk thai tlaih myhla patong patong pung tih,Green Cross Specialist Center ah khing tuui la awm de, hoih thai tlaih nawh. Te dawngah Bawipa lawng a lungna tih thlnghing la diklai dawngah amah kai bawilenna tyngsak hamla May 5, 1958 vengah avan tuih te kum 50 diklai dawngah a Bawipa kah bi a bi congah, October 6,2008 (15:10) vengah Bawipa amah lawng kop a khy pon.
" A nu bung khui kalawng tling la ka law tih, atling la kop ka mel ai. BWIPA lawng m'peek tih BAWIPA lawng kop a lawh; BAWIPA ming kohna awm hawn seh,” A men! (Joba 1:21).
Nu Hannie lawng a va Rev. Chan Thleng, a cathli Cd. Samuel Chan (B.Sc.), Cd. David Chan (B.A. (Eng), Cd. Christopher Chan (B.Th.), Cd. Ebenezer Chan (Technical College, Kyaukse); Hl. Betty Ni Ni Chan (BARS (MIT)), B.Th. (RTC), Jonathan Chan (TTC) a ceh taak.
No comments:
Post a Comment