Matu Spelling

Hello! Dr. Aung Thang,

Kum thai ah sa ding kut kan tuuk. Groups dongah Matu Ol "Grammar" neh "Ollung betna" kawng na thut thai tih cala then. Matu capae rhoengna na tueng sak thai tih Matu rhoek hamla tha lohna la om bal. Tih, Matu Ol dongah "Na" neh "Ka" kawng na sai he dawt hamla ka ngaih. Na thuingaihna khaw boeih ka ming ngawn pawt dae yaakming hamla ka ngaih dongah kan dawt la om. Lamhma la ka tael boeiboeih he kamahkah hmunna ni.

(1) Matu Grammar he English Grammar aa (based) in sai eh?
(2) "Na" neh "Ka" dawtna.

(1) Kai kah hmuhna: Matu Ol, Matu Grammar tila thui tih thuem coeng. Matu Grammar he English Grammar dongah aka om bangla (based) boeih in sai thai pawh tihe moeh hmuhna om. Badongah English Grammar he "English" amah ol te ni "Grammar" la a sai. Matu olphoh, olcaeh dan boeiboeih he "English Grammar" dongah ka om bangla phekphek thui thaina ham tah rhai. Matu Ol he (Grammartically) la koep in thui vaengah a lolhna moeh om. Hlang taengah thuicaih pah ham pa taeng rhai pueng. English Grammar khaw (bsaed) in sai tih Matu Grammar la thui thaina he khaw moeh om ngawn bal. Ka thuingaihna tah Matu Grammar ti vaengah Matu Ol rhoerhoe te ni (research) sai tih tael ham om. English Grammar te (based) sai boel sih ka ti ngaihna bal moe nih. English Grammar khaw based sai thaina moeh om. Hekah kawng neh tuukai tih (research) kanna sai rhan coeng. Kana tael khaw kana tael rhan coeng. Matu ol he ni (research) lamhma la sai ham ka hmuh.

(2) "Na" neh "Ka" kawng cana he khaw 2006 ah Matu Yahoo mail Group khui-ah a yol tah ka tueng sak bal coeng. "Matu Ol Anylize" saina dongah khaw kana tael boeih coeng. English Grammar dongah "Personal Pronoun" tila om. English dongah tah phun thum la a boel (Nominative, Possesive, and Accusative) tila om. Tadae, Matu ol dongah te tlam te boelna ham la rhai. "Na" neh "Ka" he "Personal Pronoun la om. Thuingaihna so lasih.


Matu English

(1) Nang na caakpawn aa? Have you eaten?
(2) Nangna caakpawn aa? "
(3) Na caakpawn aa? "
(4) Nang caakpawn aa? "

A sokah catlang te "Anylize" sai vaengah thui hamla moeh om.

Tedae "Na" neh tuukkai he a yol thuicaihna ka khueh mai eh.


"Nang" Ollung he (Second Person) la om.
"Na" he khaw (Second Person) la om bal. Ollung a tloe dongah (suffix) la hnona thai bal.

"Na" neh "Nah" he Matu ol dongah om bal tih a thuingaihna vai uh thae bal pawh.

Omngaihna (noun) Happiness

"Omngaihnah" tila ka tael hlang khaw om bal. Tedae olpui la ka poek pawh.

"Nang" neh "Na" he a tloe tloe la tael a ngoe pueng ah ya? Ollung pakhat la tael ah tah ta-aep yaakming khaw yoi, thuicaihna ham khaw yoi.

Nang (you)
Na (you)

(Suffix) la "Na" he "Nang" neh rhet a bet la tael pa ah tah (Sub-nominative) tila (Grammartically) thui thai la om. (One Word) la tael pawt ah tah "Nang" "Na" he a thuingaihna a tloe om coi aa?

Dongah "Nangna" he (Sub-nominative) la om dongah (One word) la om thai.

"Ka" he khaw "Na" ollung bangla hnona thai moeh om bal.


Hekah ka tael boeiboeih he kamah personal mingna neh hmuhna la om tih, boeih hman coeng tila ka thuingaihna pawh.

Cala Ka omngaih!

Ceng Ting