Saya Tin Aung kah daek Maturam ah Kri olthanthen ha lo nah kawng

MATU RAM KHRIH OLTHANG THEN HAMPHA NAH NEH KHRIHCA CA RHOEK PAI HMUEN A TOI

Matu Baptist Association apai nah kum 50 a kuep phoei dong ah he kah ca a toi ca ka daek tih he bang ca toi daek na tue a ka pah sak kung Pathen ming ka thang then sak.

Pathen Olthang a pai hlan kah

Matu ram he Pathen olthang then acai la a na ming hlan vaeng a atha Matu rhoek loh yan ka luki bawk na la a na om u tih kho a na sak uh. Khokhat neh khokhat khat rhal lah a na tho u thae. Te dae khokhat neh khat ral lah athoh a khaw huen ti he tah a na om moe nih. Huen ti he ba hoeng a na rhih uh. Hlang he khaw hawh a ngawn u pa rhap bal moe nih. Hlang a tuk a tah a ataeng ah a ana khueh taeng ca lam ni a na om sak. Sal tikah ol lung he om dae sal tak tak lah hlan he a na khueh moe nih. He kah taeng ca a ti oe a khaw kum thum a taeng ah a om coeng a tah khohmuen a yol khaw a na phaeng ti ni kho a na sak uh. Hlang then pawt loh hlang he ta rha a ngawn oeh bal a tah phu a na loh tih lu a loh uh.

Mirang Boei Hampha nah

1886 Kum ah Kol ram pum boeih he English loh boeih ana loh tih 1926 veng ah Laitlang a ngen tah boeih a na til u coeng. 1922 Kum ah Maymyo uk kung boeih loh Arakan ukkung W.H. Thom cu ol a paek van bang lah vueibok dong ah ha ngol tih Matu ram la a na cet. Te kah Arakan boei long te Matu ram ah khoboeih khaw a na tuek pa dae ha tah a mah loh nunan a rhih tih a hnuk ah a ra kan la koep a na bal. Te lam, ka loh Falam kah boeih Lt. Col. E.L Brune taeng ah report a paek tih 1923 ah Matupi ham pha.Te dong ah Ngala rhoek long tah Cing Barhan neh doem barhan lingloi u ti la a na thui uh. Te lam ka long te Mirang rhoek loh Mtu ram lah hlang a na tueih hlang mi meyet lae a om ti te han tae a ti nah. Batu vang khui ka rhoek long tah hlang khaw a na tae na pawt dong ah a yoei lah kang ah rhotok dong thilpaelh a than pa tih he yet he kalo u ti la kang a na pat. Te dong ah Falam kah boei ta a kopoek rhai tih a mah thaeng na cet.Te vaeng ah Ngla vang khui he imbing 600 a na om tih te coeng khocak lohmuen khaw a na sawt vaeng ah muep a na khue dong ah Mirang rhoek loh a na poek vaeng ah he hmuen he port khueh koi nih a cah thai ni ti la kho a na poek u. Ngala rhoek long khaw Mirang rhoek a na uep tap na pawt dong vik a na vai uh. A thum na hnin ah tah koep ha loh tih Khoboei rhoek te boei a tuk. A hnuk ah Khoboeih rhoekloh sael neh a moei then tih koep ah a na rhoep u thae. 1926 kum ah Mirang uktu boei Lt. Col. E.L Brune he Matupi ah koep ham pha dae Batu ca rhoek koep a mih te a na tuk. Brune he a thin toek tih im hlup pah ti la nawl a naepaek te dae ha tah Mirang rhoek taeng maihawl maithak a ka coeng Matu hlang a ngen loh im bueng mueh lah Khai neh rhen ah Ngala neh Hlatan kah tah boeih a na hlup pa uh. He kum he 1927 January hla la a na om tih Matu kah Khkhuen dong a tah Barhan imhlup tih la a na khue uh. He kah im hlup kum ah Batu vang khui ka rhoek tah a ngen Likma, Tuitoe, a ngen Rhumrhet, Vaihum lah boeih a na yong uh. He kah im hlup ah lu a ka voei rhoek tah Pa Boei Rhung, Pa Rhing Hman neh Nu Cang Hnaih ni. Nu Cang Hnaih ta oe tah lung to neh a dae u tih duek ti la a na thui.

Siang Bawi Ha Lo nah

Te lam ka long tah Hakha Seng Boei Rev.Dr. J.H. Coep neh Strait he Falam Mangki Col.El. Brune neh hmai ah 1930 aha Matu ram la koep hampha. Te vaeng ah Dr. Cope Loh Burma Manuscript dong ah a thut tah Matu rhoek bahoeng imlo khaw caih ti la ol a na khueh. Dr. Cope he tah Cueina cacang na ben kah solet kung la a om dong ah a caeh na ah Pathen olthangthen thui bueng mueh a rhoeh kol la cacang na ben khaw pa hoi pa hoi a sai. Te lam ka long tang Mirang rhoek loh a cai na van bang Ngala (Batupuei) he hlang mi khaw hmaiben ah khopuei la a na om saeh ti a na ngaih na dong ah port khueh ham neh primary saeng im he khaw pa hoi a na sak tih lamhma cuek cangpuei kung saya lah Saya Kyin Lian Kar (Surkhua) neh Saya Za Khong (Aibur) he Batu ah lam hma cuek cangpuei kung saya lah a na om. Saya Za Khong he tah olca thingka dong ah kaletkace la om tih Matu cako ba hoeng a na poek uh. Matu ca ko bang la hlohlai hi a pataeng khaw a na hlai ti la a thui. Te vaeng ah Saya Za Khong neh Lian Kar long he Longvan tol ke a na daeng sak tih tolpuei lah a na khueh. Ke kah tol a daeng hlang om then vaeng a tah Zkhong loh "Senthang pa ka hluei tang, ka long van li, ka tol paeng thang maihae bang la ka yoe boeih, Mingpawt kho li kah ca hmang rhoek he ainu bang lah ka luem puei ti hli ah hlo a na hlai. A mah rhoi he Pathen khaw a ka ming hlang lah a om rhoi dong ah saeng camoe boeih he Pathen ol neh tuk kil nah, Lumlaa khaw boeih a na cang puei rhoi. A mih rhoi he Matuu ram olthang then Missionary ha lo na ham lah longboeng kung rhoi tak tak ni. Te vaeng ah a ni taeng ah lam hma cuek la ca a ka cang rhoek tah,

Thang Boei Matupi
Lang Mang Matupi
Thang Muel Matupi
Zal Thaeng Phaneng
Thang Loe Phaneng
Zung Daw Ngaleng
Pi Thai Ngaleng
Ri Mel Ngaleng
Ra Sing Ngaleng
Yung Bal Boithia
Sang Nim Boithia
Rang Sawng Khuangang
Tan Boeng Tibaw
Ya He Kace
Ri Tang Kihlueng
Lung Thui Cawngthia
Sa Baeng Lungtum
Ba Hoe Leiring
Ding Hing Okla
Yak Oem Hnote
Tlunglai Lalui
Lunghnawt Leisin

He rhoek he lamhma cuek la saeng im a na kai. Saya Za Khong neh Lian Kar long he Pathen olthang a ka thui ham la hlang he a ngoe tak tak coeng a ti tih Chin Hill Baptist Association ah yak sak nah a na paek. A mih rhoi he missionary tak tak ngawn moe nih te dae Matu rhoek kah mik a ka tueng sak kung lamhma a na ti dong ah Matu rhoek loh u long khaw ti hnin due ah hnilh u thai pawh.

Missonary rat nak

1938 Kum ah Englican sengboei Lal Chhunga he Paletwah lam ka loh Matupi peng Cangtak, Valang, kho due lah ham dae ha tah a naepnoi pawt dong a co koep bal. Matu ram lah Missionary khue nah ol a ka ya Rev. That Dun he tah May 12, 1944 ah Matu peng Ngaleng ham pha tih Pu Sa Ing im ah luei. Te lam rhaih om tih Ngala la koe cet tih Sungvan ah Pu Yung Daw im ah pah. Im te a hoeng hoep pawt dong ah Pa Pa Cang im ah koep luei. Ngalaeng a pha vaeng ah he Pu Sa Ing im ah pah dae olka a ming pawt dong ah ol bet aka ming Saya Lian Kar kah saengcamoe Rhang Song te a khue pah. Rev. That Dun he Pathen olthang then a ka thui kung ni ti la a ming vaeng ah a then lah a doe. A hnuk ah Pa Pi Thai im la koep puen uh. Ngala a pha vaeng ah Ngala kah Mang Tak Luem he cadah la om tih khodaeng ba hoeng a ming te Paham Rev.That Dun loh a hmuh vaeng ah ba hoeng a rhen tih a khue tih a taeng ah a om sak. Te vaeng kah Rev. That Dun taeng ah a om vaeng kah kho daeng a ming na kawng tah he tlam he a thui nah. "Kai he cadah lah ka om tih khodaeng ba hoeng ka ming. Hlang tloe im ah ka om vaeng ah ka bung khaw a then lah hah pawh, A ngen vaeng ah nuthawn pathawn loh rhui neh mpin, tih lunghoi n'ueng nah. Te bueng te a rhoeh mueh lah a hla lam ka loh pa yai neh n'yai. Ba hoeng tlo khodaeng phun soep rhaep ka ming vaeng ah Pa Ham loh kai Ngalaeng n'caeh puei tih ka loeih. Nga laeng ah ka om u vaeng a khaw vai khat tah im lae ah hlang rhah ol te puet ka yak rhoi. Te kah hlang rhah ol sung rhai poek coi ah ka ti rhoi. Aikhong ben a tah me tlam khaw om saeh ka tih rhoi tih hmai thoi ka pom tih koe ka sawt rhoi vaeng a tah huta pakhat a tling a yal rhui neh sut a na pin u te ka hmuh rhoi tih ka hlam pa rhoi a nih te khaw cadah van ni. Pa ham loh a khueh tih a taeng ah a om sak. Vai khat a tah yin lah ka caeh rhoi vaeng ah U Tang Khawt i loh nituk u tih kholing khui ah m'pai sak uh. Kai tah ka ca moe tih koep n'hlah uh. Paham Ngawn tah puet kholing khui ah apa rhaeng uh. A hnuk a tah Tinsih boei loh a hmuh tih a ho ti koep a hlah. Ka om ka om a hnuk a tah kai ka ming khaw Tlang Pi ti la vik han tho. Te lam ka long te cuek kah hu ta te khaw Hakha lah a ceh puei tih te ah va a sak. Kai khaw Mizoram lah ka cet van tih ka im ka khueh vaeng a tah Pamham he kai kah nuyueng payueng la a om dong ka caming te Van Uk ti la ka sak van (Catthuk kung neh Pu Tlang Pi (Sairang, Mizoram) neh April 1989 vaeng kah humtun oldawt vaeng kah a thui ol). Te tlam te a na om lam ka loh Matu rhoek he tah Pathen ol bahoeng ka ngai hlang la a na om dong ah March 11, 1945 Tlangpi kho Chin Hill Baptist Associaton ah tun puei Thlualam kho kah Say Pa Hrek loh pum a paek tih Matu ram ah Saya That Dun a ka bonyong kung la ha lo. Matu hlang rhoek he tah Pathen ol ka ngaih tangkik hlang lah a om dong ah kolkalh ah Matu paeng pum ah Pathen ol pung khung daeng tih Ngaleng, Ngala (Matupi), Valangte, Lalui, Cang Tak, Kace, Leiring, Hlatan, Phanaeng, Tungthae, Lungtum, he lamhma cuek Khrihca a om na kho la om. Matu ram ah Laluei kho ha tah lamhmacuek vangpum lah Khrihca a ka coeng kho la a na om tih 1947 kum lamhma cuek Matu ram kah Khrihsmas he omthen tangkik Lalui kho ah a na hno na uh.

Matu Ram Ah ah Bawk nah tloe Ha kun

Rev. That Dun kah olthang then thui na dong ah lam hma cuek lah Khrih ca imkhui Matu ram ah a ka om rhoek tah

Pu Zo Hrawng
Pu Mang Co
Pu Hram Mang
Pu Kaw Ting
Pu Ai Kum
Pu Kui Yo
Pu Ra Sueng
Pu Tak Luem
Pu Tha Hum
Pu An Thui
Pu Thal Ting
Pu Pal Kuem
Pu Tui Song
Pu Cang Thum
Pu Thang Vom
Pu Rho Yung

Pu Rhing Huenga mih rhoek ni. Pa ham he saeng im koep kai tih a kai li 1950 kum a tah Matu ram he khopui la a om van coeng dong ah Buddhist bawk na he Matu ram la ha kun van. A mih Biddish ben ah hlang a yol ngawn tah a na kun van tih Ngala cako taeng a ta oe tah oeltaih nah a na om van te vaeng yukung soilak ah bang lae a na thui u ti koi ni"Pathennim a ka tloe ngai ve, phungki nim a ka lan ngai vae"a na ti uh. A thui ngaih na tah Buddish neh a ka ning Pathen u long nim a ta ngai ve ti na ni. Te dae ha tah Buddist pung thai pawh. Te la a ka kun tangtae rhoek khaw ahnuka tah Khrihca lah boeih koep kun. 1950 Kum a tah vangkhui kah ca dong hula rhoek loh a na hui u tih Tui-ung rho a na tloek u Bawk im lam hma cuek he a na sak uh. 1953 a a tah Matupi kah cadong hula rhoek loh Paham he Ngalaeng lah a na loh u tih ta hae Matupi ah kho a na sak.

Khrihfa Karh Chin nak

Kumkhat patoeng kum khat Pathen kah olthangthen he Matu ram ah a pung tai dong ah 1951 kum Chin Hill Baptist Associaton tun pui hmawng tlang a tah Matu ram kah report dong a he tuinuem tangtae 654 ha lo tih thawhlawm Rs. 506 a na pha coeng. Zotung Khrih ca rhoek khaw saeh tuinuem hlang 805 ha lo tih thawhlawm tangka Rs, 785 a na pha coeng. 1954 kum ah Matu ram kah tunpui lamhma cuek he Cangtak kho ah ana sai uh. Te lam ka long te Zo-Matu Baptist Association bih ham la a na bih u tih April 9-10, 1956 ZBC oltloek nah 01/56 neh Matu-Ztoung komh Associan he a na paek uh. 1963 hil Matu ram ah Khrica bu tloe he a na om hlan.
1963 lam ka long tah Matu ram ah hlimsang he ha tho khungdaeng tih olpung ka tai la muep om. Hlimsang a ka rhih rhoek Zotung rhoek khaw hlimsang he a rhih dong ah Association a tloe vik a bih tih pai. Tedong ah 1963 lam ka long tah Zotung neh Matu he association a tloe tloe la pai coeng. Rev. Dr. R.G Johson he tah 1951 kum ah Matupi ham pha. Te lam ka loh 1963 Leisin tunpui ah koep ha lo bal. Hlimsang kong he a caih la a thui u. Te lam ka loh hlimsang a ngaih neh ngaih pawt rhoek te panit la paek u thae. Te kah kum lam ka long Matu ram Presbyterian Church he pai uh. Te vaeng kum Matu ram ah Baptist Khrihca he kho 67 ah om coeng, imbing 1800 neh hlangmi 12050 a na pha coeng. December 25, 1967 kum mincang khonoek 9:00 tluk vaeng a tah Paham long a lung nah Matu ca rhoek boeih, imkhui kho boeih he a caeh tak tih dungyan ram la vik 'duem tak coeng. Matupi ah lam hma cuek bawk im a ka om he tah Matupi bawk im ti la a ming a na buen uh. Te dae ha tah 1965 kum a tah Cangbong Baptist Church (Myoma) he a tloe la a na pai lam ka long tah Longvan Baptist Church ti la a na pai uh. Te lam ka loh Paham Hnildam na ham Bawk im ham la ti la lung a na ling u lam ka long tah That Dun Memmorial Baptist Church Ti la ming koep a na tho uh.

Paham loh n'caeh tak phoei lam ka loh he Matu ram ah bu a tloe tloe khaw muep pai coeng dae ha tah Baptist Khrih Ca rhoek a long puei ah tluek tluek phat cet. Ta hae a Matu-Zotung kah ca sak la 1963 MBA, ZBA, MABC(1192), CTBA,ZABC(2003) ti la a na pai u thai van coeng.

Matu Baptist Associaton Tunpui neh kumboeih ngoltun sai nah:

Kum
Avoi
Meeting
Khua
General Secratery
Remark
1954
1
Annual
Cangtak


1955
2
Annual
Valangte
Rev. That Dun
Bili
1956
3
Annual
Lungtum


1957
4
Annual
Lalui
Paw Khua Ming
Tuek kum
1958
5
Annual
Longvan


1959
6
Annual
Kace


1060
7/1
Triennial
Tibueng
Rev. Tin Uk
Tuek kum
1961
8
Annual
Kyanam


1962
9
Annual
Tangku


1963
10/2
Triennial
Leisin
Rev. Khua Sue
Tuek kum
1964
11
Annual
Koela


1965
12
Annual
Leiring


1966
13/3
Triennial
Valangpi


1967
14
Annual
Chawngthia


1968
15
Annual
Lalui
S/yMang Tling
Tuek kum
1969
16/4
Trinnial
Vuitu
Rev.Sui Thang
Tuek kum
1970
17
Annual
Thaiboei


1971
18
Annual
Phaneng


1972
19
Triennial
Awmsoi


1973
20
Annual
Okla


1973
21
Annual
Matupi


1975
22/6
Triennial
Ngaleng


1976
23
Annual
Matupi


1977
24
Annual
Matupi


1978
25/7
Triennial
Vuitu
Rev. Ai Law
Tuek kum
1979
26
Annual
MBA(headquarter)


1980
27
Annual
Valangte


1981
28/8
Triennial
Longvan


1982
29
Annual
MBA (office)


1983
30
Annual
MBA (office)


1984
31/9
Triennial
Thaiboei


1985
32
Annual
Vuitu


1986
33
Annual
MBA (office)


1987
34/10
Triennial
Cawngthia
Rev.CangLung
Tuek kum
1988
35
Annual
Valangpi


1989
36
Annual
Sungvan


1990
37/11
Triennial
Phaneng


1991
38
Annual
Kihlueng


1992
39
Annual
Okla


1993
40/12
Triennial
Rengkheng
Rev. Lai Nou
Thim lio
1994
41
Annual
That Dung Church

That Dun Golden Jubilee
1995
42
Annual
Amsoi


1996
43/13
Triennial
Cangtak


1997
44
Annual
Lungtum


1998
45
Annual
MBA office


1999
/14
Triennial
Kace
Rev. Biak Cung
Tuek kum
Langle Kace Golden Jubilee
2000
46
Annual
MBA office


2001
47
Annual
Sungvan


2002
/15
Triennial
Thicoeng


2003
48
Annual
Vapung


2004
49
Annual
Amsoi (B)


2005
50/16
Triennial
That Dun Church
PastorT.Johsua
Tuek kum
2006
51
Annual
Khuahung


2007
52
Annual
That Dun Church

MBA& MBYF Golden Jubilee
2008
17
Triennial
Tangku


Remark:
MBA tun pui he tah lamhma a tah annual neh hmaih a na bok uh.
He kah record lam hma atah a lolh maih nah muep om dong ah Matu ram kah a ham ca rhoek boeih khueh a then la dawt let phoei ah koep a cak sak record la om
MBA Yungben kah bibi kung rhoek tah adang ka bang la ka tueng sak
1944 – 2007 MBA President a ka bi rhoek
Rev. That Dun 1944-55
Rev. Sa Lang 1956-58
Rev. That Dun 1959- 1966
Rev. Pan Kuem 1966- 1969
Rev. Than Ceu 1969- 1970
Rev. Ngai Tim 1970- 1972
Rev. Pan Kuem 1972-1975
Rev. Chum Bawk 1975-1984
Rev. La Voi 1984-1987
Rev. Khua Su 1987-1990
Rev. Long Son 1990-1993
Rev. Cang Lung 1993-1999
Rev. Kui Dim 1999-2005
Rev. Thuk Laeng 2005-
General Secretary a ka bi rhoek
Rev. That Dun 1955-1957 Partime (Recorder Saya Sang Nim
Pu Paw Khua Ming 1957-1959
Rev. Tin Uk 1960-1962 Full time
Rev. Khua Su 1963-1968
Saya Mang Tling 1968-1969
Rev. Sui Thang 1970-1978
Rev. Ai Law 1978-1987
Rev. Cang Lung 1987-1993
Pastor. Lai Nou 1993-1999
Rev. Biak Cung 1999-2005
Pastor T. Johsua 2005-
A. G/S a ka bi rhoek
Rev. Pang Thang 1999-2001
Rev. Z. La Hoe 2002-2005
E&M Secretary a ka bi rhoek
Rev. Nga Long
Rev. Kui Dim
Rev. Z. La Hoe
Rev. Thang Uk
Youth Secretary a ka bi rhoek
Rev. Thuk Laeng
Rev. Long Son
Rev. Kui Dim
Rev. San Thaih
Rev. Pang Thang
Pastor T. Johsua
Pastor Bawi Khing
Rev. Lian Thang
Pastor Good Win
Women Secretary a ka bi rhoek
Pastor Lydia Dar Zing
Pastor Rai Boel
Pastor Thang Zing
Pastor Thim poei
Rolungbunh nak
1969 kum Paham Rev.That Dun loh n'khum tak nah kum 2 a cup nah neh Matu ram hampha nah kum 25 a cup na kum la om tih silver Jubilee he sai hamla om dae ha tah Matu Khrih ca rhoek vawtthoek na he a om oeh dong ah sai thai na he n'khueh u pawh. 1991 March hal 7-10 khui ah Matu ram kah Nu bu rhoek a pai nah 25 cup nah silver Jubilee he Isai 59:2 he tai tih Matupi Thai Cawn bawlung ground ah omthen tang kik la a sai uh thai. Febrary 3-6, 1994 kum a tah Matu Baptist Association lam ka loh Psalm 126:6 he catlng la tai tih "Cangti tuh kung" ti lah Jubilee he omthen tangkik lah oengca boeih loh a nbur uh. Te lam ka long te koep bal ah April 15-17 hil ah Rom 10:15 dong kah olthang then hnuk sul" ti he suttung neh Jubelle he koep hno na thai la a na om bal.
Paham vuei nah Hlan hmuen he khaw ti saeh Batupuei Baptist Area kah oeng ca boeih neh neh a tloe Khrica bu kah oeng ca boeih kah thik at la tha huel na rhang neh a then ca la sak koep nah om tih May 2006 a tah ZBC kah a ham rhoek boeih, MBC kah Rev. Man San Muang neh rhen ah a then la ong na a khueh u thai.
Matu Zotung Association a pai nah kum (50) neh Matu ram hlangnoe bu (MBAYF) a pai nah kum 50 a cup na he kum 2006 vaeng ah sai ham la om dae a tue a tang a lolhmaih dong ah Frebraury 9-11, 200 chung MBA compund khui ah Matu ram tom kah Khrih ca bu takuem neh Isaih 54:2 "na hlamhmueh ka sak lah" ti Bible ca lu tai neh omthen hlang la na hno na uh. He kah Jubilee ah halng mi 10000 a na kai thai. Jubilee a ka bul ham rhoek long he Matupi 8 Lungcui lam ka loh a na khong u tih Jesuh tah Boeipa ni ti la na pang uh. Te vaeng ah Matupi ukkung rhoek tah la kueng u tih thueng. Aw "Oengnawh hli lawng rih oen thuen ai awmngaih nah khaw hin ah" kah laa te thoeng tak tak. Te vaeng ah MBA kah GS a ka bi rhoek, Nu mawt kung rhoek, Missionary rhoek, E&M, BYF mawt kung rhoek boeih he hinyah paek nah a khueh uh. Te phoei ah a ka khum tang tae Pathen bibi kung rhoek boeih hinyak paek na ham la minute 5 khui sapduem la hlang boeih om tih hinyah na te a paek uh. Ram khui ah a ham ca hotu rhoek he khaw hinyan na kutpom he boeih a paek uh. Te kah a ham ca rhoek tah
Batupuei Baptist Area
Hotu Thang Hoih (That Dun Memorial Church)
Ci Hlui (That Dun Memorial Church)
Hotu Han Ding (Sungvan Baptist Church)
Hotu Pa Reng (Sungvan Baptist Church)
Hotu Ca Hlui (b) (Khoboi Baptist Church)
Kaisi Licang Baptist Area
Hotu Ding Khong (Vangkai)
Hotu Han Tai (Valangpi)
Thaiphum Baptist Area
Hotu Ca Hlue (Rengkheng)
Lungpel Konglong Baptist Area
Hotu (Daihnan)
Hotu Mang Khe (Anthaw)
Cingtlang Baptist Area
Hotu Lung Thui (Kace)
Lungting Baptist Area
Hotu Lung Thel (Thicoeng)
Hotu Lung Mal (Vuitu)
Myoma Baptist Church
Pa Thal Om
Matu Bible
Matu ol lah Pathen olcim kong ham he 1992 ah United Bible Soceity loh a na tong. Te vaeng ah a ka thui a ka lai ham a ham ca koek tah Rev. Sui Thang ni. Te lam ka long te a lak lo ah Rev. Chan Hlaing loh King Jems version NT a na kong, Te coeng Rev. Lawk Thing loh NKJV he koep a kong bal. Rev. Chan Hleng kah a kong New International Version he 2006 a tah carhuem cathai coeng la om tih Matu rhoek kah kut dong ah ham pha thai. UBS kat huimawt na neh a kong Today Ennglish Version (NT) he khaw naep ca la coeng la om tih September 8, 2007 vaeng a tah That Dun Memorial Church ah a then ca la ap thai nah a khueh u thai. Te phoei ah Bible International lam kah olpaek van bang la New King Jemes Versions he khaw MBA a kah mawt na hmui ah ta hae kong li la om. Matu Bible (TEV) um nah poeih a dang kah bibi kung rhoek he hinyah na a paek uh.
Rev. Lung Noe First Transalator
Rev. Lai Nou Second Translator
Rev. Ngai Tim Reviewer
Rev. Thuk Laeng Reviewer
Rev. S. Thi Bil Reviewer
Rev. Ai Law ReviewerA so kah a ka tueng boeih he tah a soep na pawt kho om mai ngawn ni. Te dae ha tah Hmai long ah a ka lo rhoek loh longpuei a thuep tih tih a rhoek bah na thai ham lam ni he tueng sak la a om. Matu Batpist Khrihca bu rhoek he tah dilai a bawt hlan khui hmun yaya tih tila ngai uep nah a len tangkik neh ka tueng sak.Acaih lah ming ham la na gaih a tah http://www.freewebs .com/matuuolthan g dong ah koep na sawt u thai
Coppy Right
Pastor Tin Aung (rhohkah@yahoo. com) Ka hlan tih ca koep kan leh pawt tah a hloeh la poek boel mai ne Matu ram Pa van lo kah hlan a then la sai ham koep om dong ah na om na kung lam ka hla boeih cam uh. khodaeng a ka ming rhoek te hnilh boeg