Lai hman kah thlang hing aka mingna boeih loh a Pathen boeih a khueh, a Pathen koeh nah atue atang a khueh bangla miphun boeih long khaw amah kah singyoe (culture) boeih a khueh van bal. Tevan bangla mah Matu rhoek lawng khaw Pathen ana khueh van, koeh bawk nah atue atang ana khueh van, thlangphun pakhat kah singyoe, a Pathen bawknah atue atang he diklai hman acoyah boeih loh a hma ata na pawt ham a thenla caak sak ham tha boeih a paek. U.N.O long khaw tha bahoeng apaek van bal.
Matu Singyoe ah kum khat khui ah a Pathen koeh bawknah atue atang khotue voeithum a na om. Lamhmacuek ah khotue kawng he saw bet lah sih. Mah Matu ol lah Pathen tihe KHO tila a thui u. KHOHNI, MINRHAI, SATHUI phun thum la ana thui u. Pathen tihe tah thlang ol ni an vat. Pathen pakhat ah Pa, Capa, Aciim Muihla tila phun thum la a ni thui van bangla nupa lawng khaw a na thui van. Pathen = kho, Minrhai, Ci thui, Kho = Pathen, Tue = bawk naah pathen koeh nah thangpom nah thui ngaih na ni.
Matu Singyoe kah khotue pathum tah;
1.YUSUK KHOTUE
2.LOSAK KHOTUE
3.CANGYOM KHOTUE Tila a na hno na uh.
(1).Yusuk khotue,
Yan nupa khosakna ah khohal hang tih thing rho loh a hnah rhuem a hnawt, hnah thai dik dik sai tlim hang, thangrhoh, Pangva loh pailum hang coeng atah yusuuk kung loh khosoih a yak sak tih khosoih kah ngaih puei na neh atue atang apaek tih yusuuk la om. He yawn a he yusuuk neh poeicaak tihe vai a rhoi pawh. Poei caak tihe tah yusuuk nah san a boeih phoei kah yusuuk yueng ah ana hno na u ni. Yusuuk tihe tah seltling om ni. Khosoih kah mawtna om ni. Rholik,, Samtoe, Bunglawn, Salaw om ni. A tongna khohnin te “Thaeh” neh “thangpa” a bok tih, a pathen koeh nah hnin la a na hno na. A hin hnih nah khohnin a tah “Tollam” ati tih kho soih kah mawt na neh rhangpuei la omthen bawn hmaih tih a pathen bokna khohnin la a hnona u. A thum hnin tah “Pohong” ati tih rhangpuei neh a hnuk khii omngaih bawn tih pathen koeh nah khohnin la om. A li hnin tah “Tuirhum” ati tih yusu kung loh ngahing hoi tih Pathen taeng ah yoethen bih nah a khueh hnin la om. Poeicaak tihe tah a so ka bangla khosoih mawt nah ngoe pawh. Hnopai khaw ngoe pawh. Caak-ook mai neh khohnin ana hnona.
Yusuk vengah Sael pakhat ah saeltling pakhat om van ni. Sael mi tae tih Saeltling ling la a na om.Saelpael lumhmacuek ah Sael loeng (pakhat) neh a tong ni. Saelnga, Saelrha neh tong phung moe nih Pakhat, pahnih( Sael bok) panga, parha, hlainga hil ah pael thai la om. Bunglawn vuel ti vengah he yusuk voithum a koep thlan khui ah sai thai pawh. Yusuk he khaw phunli la koep paek thai la om bal .
1.Saelpael neh Yusuk
2.Panga tloek neh Yusuk (Panga tloek ti he tah Ok panga ngawn ke a thui ngaih nah)
3.Hnitlang yan neh Yusuk
4.Buloei thong neh Yusuk
ti la a nah om bal. Nupa kah singyoe boeih boeih he sawt vengah a Pathen teng ah omngaih ol a na thui na van ni. Huitai, nganu takhawng, pil nam tuili boeih a khueh tih thik at la a thae a then velhmaih neh a Pathen tengah omngaih tueng sak la om van. Khat ben lam ka loh n’so bal koinih (Donation/ a hlu) Sai na van bal ni. Tede tetla yusuk khotue na he Matu cako khaw voeh voeh n’cueih hang van bangla n’ram long khaw Pathen ben ah a rhoeng hang la a om veng a tah YUSUK neh KHOTUE na te tahae ah tah vik hma la om coeng.
.
(2) LOSAK KHOTUE
Matu cako tah yaan lam ka loh tihnin hil ah Lo tawn neh bung khut thlang la ng’om van bangla, Lo tawn neh tukkai tih PATHEN koeh nah khohnin van ni. Ol thai la thui sih ti koi tih toi-an a thai neh Pathen bokna khohnin, an thai caakna khohnin n’ti ni. Vah tih la om tih cangti, ballung ,a tii a mu boeih soem la ,tuee la a om coeng a tah Pathen = KHO loh rhotui han tlan sak tih cang loh pok hang tih then, toi-an loh a hlul a toi hang veng a tah calla omngaihna ana khueh u. Te kah mah loh lo ah n’tue toi-an te Pathen teng ah a nawn hlan khui (Kho a tue hlan khui) caak phung la a na om pawh. Junly hla a phahang tih cangtun paithai loh a vuei hang coeng a tah KHOTUE hla coeng tihe a na ming u.Toi-an athai neh a Pathen a na koeh u, KHOTUE omngaih a na bawn u. Junly 15th ah koeh bawkna khohnin, 14 hnin he huet hnin a na ti tih thlem ben a tah lo kah toi-an oh tih imm la a na khuen thai coeng . Khotue hnin a tah thlang tom loh yu a na bueih, buh a na thong a Pathen teng omngaih nah a na tueng sak. Immben lovai napu napi hui ko boeih Khotue omngaih buh a na thak u thae. Cadong hula loh ( DAE) naa uh thae neh omngaih u (tha om a na noek u the) . Khotue lah a om coeng a tah lo kah toi-an a mong cala boeih caak thai la om coeng.
Yan a tah Khotue (LOSAK) hnin he a tue a tang rhep a na hno na u pawh. Kum khat neh kum khat KHO tue hnin ,kho khat neh khokhat khaw a vai u thae pawt dong ah 1974 -1975 tluk vaeng a tah Maturam kah a hamca rhoek dawt uh thae tih Matu Ram khui ah Khotue hnin a vai na uh thae ham Junly 15th saeh tila oltloek na rhep a na khueh u tih tahe hil ah cakpueih la om.
Mah kho ram ben a tah bawk na ben lam ka loh Khotue poei he a na hno na u thai coeng. Pum imm la toi-an boeih a na khuen u tih Pathen taengah omngaih cil a thui u. Calla ka then awt ham koi la om .Te coeng bal ah DAE na u thae he khaw luem hnang (sport) ben lam ka loh n’so koinih thaom noek luem hnangna pakhat van ni . Hetla PATLING pom Dae na u thae neh thaom noek luem hnangna he Dilai hman ah ram pakhat long khaw a khueh thai pawh luem hnangna neh Pathen koeh na ni. Hmai ben a tah acoyah ( bahran ) long pateng luem hnangna pakhat la cak sak ham koi la om.
3. CANGYOM KHOTUE
Kum rhuem phih tih kum thai doe nah, saikung Pathen koeh nah kum thai hnin ni. Tahae kah January 1st kum thai he thlangbook rhoek kah kum thai ni. Dilai hman kah thlang boeih loh a mah kah kum thai boeih a khueh van bangla MATU cako long khaw (Cangyom hnin) he mah Matu kum thai la ana khueh uh van.
Matu rhoek long tah kum tae vaeng a khaw lotawn nen ni kum a na tae u. Kum khat khui cang bawt a aah coeng a tah kum boeih coeng a ti tih kumthai yom caakna tue a na sai u coeng . Yomcaak Khotue la a om coeng a tah ka sa ding, ka yoethen kumthai ka pha coeng a ti u tih omngaih u. Kum rhuem khui ah Sael rhaem a om a tah Sael rhaem thlang loh Sael sa , Ok rhaem loh Oksa, Ai hraem loh Aisa a yaeh u boeih te caak thai la om coeng. Yomcak na hnin ah Satloek a na sai u tih kut a na noek, a na kah u. satloek te thinglam tung bangla a na sai uh tih aban rhoi, a kho ah Sathi neh a na thluk u. A rhang ah Sathi neh dum la om bal. A rhang kah Sathi dum na ah phek a ka kap long tah kum khat khui ka sa ding ni tila ngaiuepna calla a khueh. Kumthai ka pha coeng tila omngaih u. Tih Satloek kahna, buh thongna, Yubueihna neh yukung ah khat neh khat rhoepna a na sai u. Huiko masae cava sading la kumthai buh thak u thae neh kumthai uem tih Pathen a koeh u. Yomcaak lam ka long tah kumthai ben lo vok khaw a na tong uh koep bal coeng.
Tetla Yomcaak Satloek kah na te Judah rhoek loh Jesuh khrih thing lam dong ah a thae a kha na u neh vai u rhoi tila a na poek u tih Satloek kap Yomcaak na te vik ana hnawt u. Satloek kah na te khaw tahae san luem hnangna (sport ) ben lam ka loh n’so bal koi nih kut dueng noek luem hnangna pakhat van bal ni. Dilai hman ram acoyah boeih loh kut dueng noek luem hnangna he boeih a na khueh . Dilai hman kah acoyah boeih long he mah kah singyoe khosakna, bawk na boeih tha cal la a paek. Mah kah singyoe dongah san neh a vai u rhoi pawt a khaw pomsih ti ngaih na pawtti pom tueng tih caksak tih tlaih koi te tlaih si ti ngaih na ni. A ngen khat suh long tah a ngoe moenih na ti mai suidae mahkah singyoe phunglam ka ming pawt tah thlang hma pata pawn ni. Hnin khat ah na ca loh n’dawt koi nih me tlam lae na thui na pa eh?.
Matu singyoe phunglam YUSUK KHOTUE, LOSAK KHOTUE, CANGYOM KHOTUE cina he sawt vaengah acoyah ben lam ka long khaw tisaeh bbkna ben lam ka long khaw tisaeh hnawt ham koi khat khaw om pawh. Tha paek tih san neh a vai na rhoi la caksak ham rhoe rhoe la om. Matu singyoe khui ah barhan loh a awt ham koi moeh a om coeng ah Chin ram khui ah n’so koinih Matu rhoek kah singyoe bangla ka khueh khat khaw a om moe nih. Tedongah hetluk la a ka then Matu Singyoe he a hmataa na pawt ham Matu rhoengthai-rhoengli i rhoek soah a om van bangla ngaithuen na neh caksak u sih tihe a hnuk khueng koek ah uen kan ngaih uh.
Caa daekkung : :Thin Tuep BanHman
M.S.O, Malay
Tanglaa;
He kah Tanglaa solna laa he H.R.Yen Thang loh a daek. Matuca thlangtom camoe cahmang rhoek long khaw sakthai ham la a titih Losak Laa, Tanglaa sol ham a yoeica koek he kan hlah u la om bal. Sa u la yoeica mai la ko he. A thuem pawt te tlaih koep lam tah sa u mai tilam khaw kan coep uh.
Tangla aw kai kho la caet sih…. Tangla boeipa daw sih……A khonghmuen ah kangkhong sih…. A thoeng hmuen ah kangthoeng sih…. dae dae dae oe di dae dae…….
Kimah kimah lo ah adi canglong an toi pok pok oe……anmai thai thai oe……A nu lo ah cangtun cangtang cangkom pueng pueng oe….khuingaw bu bu oe……..didae didae didae……dae oe……di dae oe……
Rhangkhueh ham lah ka ti ah pangtaeng sunghai cawt ka bang……Sucawk vacek cawt ka tuk…… Rhanghoi ham la ka ti ah lolak donglong cawk ka voeih…. humhi sutang cawt ka tuk…... A hluei ka thung na la ala ka thung na la beyaw…la beyaw…. A hluei thaipom ca sih ala thaipom ca sih….. A hluei thoe thoe oe…….ala thoe thoe oe……didae didae didae ….dae oe………
Khosa sih khosa sih salo kho la khosa sih….. An hli kho la khosa sih.….An hlipuei puei oe….salo puei puei oe…..dae dae dae oe……didae dae oe…….
A thung la ka caet bukam kamat kam ka ang….. A hang la ka caet bukam kamat kam ka ang buh aw….maeh aw…..ha lo laeh……laeh oe….ha lo laeh… a ok patoeng thui na sih a caak patoeng thui na sih…. A caak boeih ai…boeih ai….a ok boeih ai….boeih ai….didae didae didae oe…..didae….dae oe…….
Thangvuen ka caak thalpom pah……omvai ka caak thal pomp ah……ok yo im oe ….caak yo im oe….ca sih ca sih bungpuei thaithawn ca sih… Ca sih ca sih bongma thaithawn ca sih…..bongpuei kuk kuk oe…..bongma kuk kuk oe…..dae dae dae oe….didae dae oe…
A thang mueh vai mueh vai…..thangom mueh vai mueh vai….cipuep monglaeng ka bohna ka ban a tloeh hai baw…..toemca khangrhang ka tum na ka laeng a tlo na …..ka lam na ah ka phai a tlo haibaw…….didae didae didae dae oe….didae oe……
________________________________________________________________________
CANGYOM KHOTUE (HARVEST FEAST OR
FEAST OF NEW YEAR)
Cangyaom feast is harvesting feast or eating new crop of the welcoming feast of New year. In ancient time it usually held om the first week of the month of Yom (November). Noe it is held om November 15. the feast was held as follows: in the morning of the first day the priest (khosoih) or the oldest one in the village ring a small gong with a nnouncing a bout the feast and said like this, “Rhungha (Rhosok ah ) yam which plant in shine tree (honkeh)
Halo u lah ba khoel sih,
Ha lo uh
Ha mael uh khohni bawk u sih,
The meanihg is “come and stay in the house, let us take ou the taro, yam from the scricing palce of the field and make worship to Kho (God)”. If some people are staying at the field they come back to the house. On that day the family who lost a member of family in that year brought millet (tiktun), cucumber (Aitangthai) , aster (Khungtuempai) . If a woman or a daughter was lost in the the rest of the family put millet, cucumber, aster, ect,. At he grave of the lost one, and a man or a son was lost the resdt of the family put arrows, bows and Citloek (make by wood, like the form cross) at the grave of the lost one, it signified the ending of the relationship between the dead and the living person. After celebrating the feast they are no more went to the grave and nomore cried and lonely for the dead. During feast no one was gone out side the village (no one was in the jungle.)
In the evening they drive out Satan, in Matu, “Yom a O” with playing drum, brass plate , ect, by saying “
“Tungtung koe, tungtung koe
Tungtung koe, tung tung koe
Imrhaeh Lunghli cangyung a na kuel oe,
Thim kuet pavan Thimkilh rhea a na rhut oe,
Likma saelkho maikok a na dong oe’
They ordered Satan “tocut the rest of paddy to carry the stone-pumkin etc, from the field.” At night they sung the song called, “Aisi tho eng” joyfully.
In the morning of the second day they made “Citloek the from is as follow: Citloek is a sigh of healthy and victory. In cangyom khotue citloek was made quarter by quarte. For adult men citloek was big and the stand was high, and for boys citloek was small and the stand was shoh, and erected at particular place. At a bout 10:00 AM all males brought bows and arrows, and shot citloek. In their believed there are the followsing sign for shotting citloek.
(a) If a person thot at the center of citloek he is luky one and he will get more grain (paddy) and he will be healthy in the coming New Year.
(b) If a person shot at the side of citloek he is alo luku one the new year
(c) If a person miss citloek whe he shot, he is unlucky one. He or his family will face hardship in new year even he him of his family will lost their health in the new year.
Therefore before they shot citloek they pray toh Khohni (God) and shotting citloek is regarded as a kind of fortune teller. It was their belived.
Black color on citloek and the animal blood on citloek is meaningful one. Black color show that outside citoke there ate difficulties and it is dark place and influence by Devil (Rhaithae). An the blood of domestic a nimal show lucky of a person and safety place and it can not influence by the evil once, because it is safety by the blood of a nimal. Here citloek signify the cross of Jesus Christ of Calvary and the blood of a nimal show the blood of Jesus which share on the cross. It is Matu Christian vies today.
The cangyom feast was usually leaded by the one who got more paddy in the recent year (or) the rich one. He killed special pig and shared some pork to the neighbours and some are cooked at home and called the preist (khosoih) and made dedication and sacrifice por and paddy to the three main post of the house on behalf of Khohni (God). And then again shared food and share rice and curry to the neighbours, not only that son in law sent chicen curry and rice to father in law (Nupu) and father in law share birds curry and rice to son in law (cava). It show happiness for new year and over the old year with safetly and happily.
Sharing of food and curry are over, they place pots of rice beer (amrhaeng yu) at the foot of citloek and consumed happily in each quarter. if preist was in that quarter firstly rice beer was drunk by preist khosoih- and each quarter rice beer were drunk by the oldest of eact quarter, then the guest and then they drank the same share with (tuipawn) bamboo tube. While they drunk rice beer they sang cangyom song this
Lonoi oe ankung, paitha la ka na,
A khuen hmuen lung bal hnah ling loeng ling loeng ti,
Pai puei dae cang kung nah loh pai puei dae,
A bawt bet pueng nim ka ti ah,
A pa hmuen lung neh tuiphih rhaboe pawn ni.
This song means, “during this year i face hardship but now i overcome from that hardship”. Celabration of the feast was till the sun set of the second day and the night of second day they made the fire bounf at the courtyard and sitted by the fire, and the old traditional story and taught cangyom song to the young people. This feast lasted tow days.
Onhly after celebrating these feast forefathers began cutting a new field. New year began from the end of Cangyom feast. Now aday, Matu Christians held cangyom feast in a Christian way in November 15, on this day Christian have worship service at the church, and bring some grain, vegetable and fruits which prouduct from the farmfield. It is the way Matu people celebrate New Year.
Salai L, Tin Aung
Long van Matupi
Chin State, Myanmar
No comments:
Post a Comment